Les mots surlignés font l'objet d'une note
1Reçue à Grenoble, le 25 janvier 1573. Répondue.
2Mon seigneur, na guyères de temps, balhis à monssieur de Bazemond,
3nepveu de mon seigneur le premier president, ung pacquet pour le
4vous faire tenir, dans lequel estoit mon procès verbal de ce
5que je avois iusques alhors procedé en vertu des lettres royaulx
6et de votre commission à lendroict de ceulx de la nouvelle oppinion
7qui se sont absentés et ne sont pas revenus, et une lettre
8mienne faisant mention de ce que dessus et du faict
9de Clansayes, des Torretes et de Roynac. Despuis suis esté
10adverti que aulcuns vivandiers du champ de mon seigneur
11Dampville, soubz couleur des lettres que facillement ledit seigneur
12Balhe, se licentient de trans marcher ou vendre leurs grayns fors
13le present païs en dangier de laisser puis ce pais en grand
14famine au moyns si le champ y dure guières. Quant à moy, je
15nay volu donner ne donnerè aulcune permission sans votre
16mandemant, scaichant bien que toutes lettres concernantz ces ou
17semblables affères, ancores que feussent du roy, vous doibvent
18premierement estre presentées ; et combien quil me semble estre
19raisonnable de y mettre quelque reiglemant à ce que toute
20la fourniture dudit champ ne soit pas prinse en ce païs
21où ne a poynct des grayns vieulx et bien peu des grayns
22nouveaulx. De quoy vous ay bien volu advertir à ce quil vous
23plaise men mander votre volenté à la quelle je hobéirè daussi
24bon cueur que je vous presente mes humbles et très affectionées
25recommandations, priant le Createur,
26mon seigneur, vous doynt en joye et santé le comble de
27voz très haultz et genereulx desirs. A votre ville de Montelhimar,
28ce mercredi au soir XXI de janvier mil VC LXXIII.
29Votre humble et très hobeissant
30serviteur
31Andrieu De Exea viseneschal